Ngarux ru kli
熊與豹的傳說
Sraral raral mga, ngarux ru kli ga, plquy kwara qu inrkyasan nha ma. Kya qutux ryax, mstnaq ska tuqiy qu rrusa nha ma, mkal mha: “Aki ta mppatas hi ta ma? Smwal kwara nha ma, nanu t’aring mpatas la. Inblequn balay matas ni ngarux qu kli, betunux balay pinnatas nya. Ana ga, qlangun balay na kli qu ppatas nya hi na ngaurx, si nya hmtan qmamas squ hi na ngarux iloh, nanak skutaw qu thayan nya cikay plquy, iyan na byacing mtuki.
熊和豹在太古時，牠們的外表都是白色的。有一天，牠們在路上相遇，彼此聊及:「我們何不替對方來畫色彩?」雙方同意決定為對方的毛染上色彩。熊很專心的幫豹全身染上美麗的黑白班紋，可是豹卻意興闌珊的拿鍋底煤灰，一股腦兒的往熊身上亂抹，只留下喉部月輪狀的毛是白色的。
Mcinhmut balay qu ngarux, aki nya si phqeli qu kli qasa, pinngungu kmayal qu kli mha: “Laxi saku niqi, babaw nya mha ni kya qu inagal maku qsinuw ga, qsugay misu smka.” son nya.
被染黑的熊怒火中燒，就要撲過去咬死豹，豹惶恐的說：「不要吃我，以後我捕捉到的動物，都分給你一半。」
Ana ga, aring squ pinshriqan nha ga, ini agal pinkyalan nha qu kli qasa, mcinyuhum balay qu ngarux, si usa smyaka squ cyux ki’an na kli krryax qu ngarux, mha ni pstnaq nya qu kli ga, si nya hali ’mpux ru ptqelis.
然而，豹卻一直沒有實現諾言，所以熊非常生氣，常常到豹的棲息的洞窟中尋找豹，只要一看到豹，就會很憤怒地撲過去抓牠。