Maaqbhni ka masu
小米變小鳥
Qbhangan ta kari enrudan sbiyaw, mhapuy masu siida ka seejiq Truku, kingal buwax masu o skaun na, snkaan na kingal liwas dagun ka buwax masu ni mrana balay, ruwan liwas o mthkuy balay ka idaw masu, mtuku balay uqun hiyi kingal ruwan sapah.
Suxal o ungat bi ka kuwi ni qbhni meekan uri, kiya ni seejiq siida o, ruwan sapah o mhuma kingal hnyigan masu nanak, qhuni masu nii o pah sriyu mdaqil kingal saysay masu, ana saw kiya tduwa uqun kingal hngkawas kingal ruwan sapah, manu saw kiya ni mtngyi mkan balay kana ka seejiq uri da
傳說在很久以前，太魯閣族煮小米的時候，一粒小米只要切成兩半，用半粒的小米放在鍋子裡煮，會越煮越多，大鍋子裡就會有滿滿的一鍋小米飯，足夠讓一家人吃得很飽。
以前是沒有蟲害和鳥害的，所以當時的人，家裡只需要種一棵小米，小米樹上從長出一枝小米穗，這樣就可以讓一家人吃一年，而且人們可以吃得很飽、很飽。
Niqan pxal jiyax, mtgeaguh eekan nhari ka kingal empdawi seejiq, iyux na tduwa mkan hari idaw masu, asi na dagi liwas ka kingal dumus buwax masu, nangi na mnbuwa do msbbitaw mspruq ka buwax masu, qsiya ruwan liwas do o slikaw mtngu ta, nhapuy na idaw masu sqrun ni mqalux qtaan ka lhang niya da.
Pah ska liwas sriyu msa pit! pit! pit! hnang, saw ka sayang do o lala balay ka qbhni, pah ska liwas sriyu skaya ni wada babaw karat kana, hangan qbhni nii o Purut sun, paah nii kika niqan ka Purut, dni miyah gmnama mkan tnukuy ni miyah mkan empkhada ka masu.
有一天，有一位懶惰又貪吃的人，他為了可以趕快吃到小米飯，他就用手抓了一把小米直接放到大鍋子裡煮，結果小米一直膨脹，鍋子裡的水一下子就蒸發乾了，小米一下子被煮成焦黑的顏色。
鍋子裡發出嗶！嗶！嗶！的聲音，這時有一群一群的鳥，從鍋中飛上天，這種鳥的名字叫布洛鳥(Purut)，這種鳥就是這樣來的，而這些鳥專門吃剛撒的種子和即將要收割的小米穗。
Pnaah bitaq rxal, seejiq tnmasu do o msmay klawa Purut, quri saw nii kana uuda kari sbiyaw o, asaw bi ka empdawi seejiq nii.
從此以後，人們要開始辛苦的趕走這種鳥，因為這些事宜，都是那
位懶惰且貪吃小米飯的人造成的。